Wix, Squarespace, WordPress eða sérsmíði? Heiðarlegur samanburður

Við smíðum sérsniðna vefi og samt segjum við stundum við fólk að það eigi að nota Wix. Þetta er ekki auðmýkt heldur reikningsdæmi: ef vefurinn er nafnspjald og þú selur allt í gegnum síma þá er engin ástæða til að borga fyrir sérsmíði.

Samanburðurinn

Hvenær Wix eða Squarespace er rétt

• Einyrki eða lítill rekstur þar sem vefurinn er nafnspjald.
• Þú vilt geta breytt öllu sjálf eða sjálfur án þess að hringja í neinn.
• Verkefni sem þarf að vera komið í loftið í þessari viku.
• Fjárhagsáætlunin leyfir ekki meira, sem er fullgild ástæða.

Gallarnir: þú ert bundin eða bundinn kerfinu, þú getur ekki flutt vefinn annað, og þegar þú vex fram úr því byrjarðu upp á nýtt.

Hvenær WordPress er rétt

• Mikið efni sem þarf að birtast reglulega.
• Þörf fyrir sérstakar viðbætur, til dæmis bókanir eða félagakerfi.
• Einhver innanhúss eða utan sér um uppfærslur og öryggi.

Gallinn er raunverulegur: WordPress sem enginn viðheldur er öryggisáhætta. Uppfærslur, afrit og eftirlit þurfa eiganda.

Hvenær sérsmíði borgar sig

• Vefurinn er söluvélin og hvert prósent í viðskiptahlutfalli skiptir máli.
• Þú þarft eitthvað sem ekkert kerfi gerir, til dæmis reiknivél, sérhæft pöntunarferli eða tengingu við eigin kerfi.
• Hraði skiptir máli, því sérsmíðaður vefur getur verið margfalt léttari en sniðmát.
• Útlitið sjálft er hluti af því sem þú selur.

Spurningin sem gleymist alltaf

Hver á vefinn eftir á? Áður en þú skrifar undir skaltu fá skýrt svar um lénið, kóðann, efnið og aðganginn að hýsingunni. Ef svarið er óskýrt þá er svarið nei.

Hvað við gerum

Við smíðum sérsniðna vefi frá grunni og notum ekki sniðmát. Þess vegna eru þeir hraðari og líta ekki út eins og allir hinir. Ef verkefnið þitt kallar ekki á það þá segjum við það í fyrsta samtali, því það er ódýrara fyrir okkur bæði en að selja þér eitthvað sem þú þarft ekki.

Algengar spurningar