Af hverju enginn finnur nýja vefinn þinn fyrstu vikurnar

Vefurinn fór í loftið á þriðjudaginn. Á fimmtudaginn leitarðu að þjónustunni þinni og finnur ekkert. Þetta er ekki bilun. Svona virkar þetta.

Hvað Google þarf að gera

1. Finna vefinn. Google þarf ástæðu til að heimsækja hann: innsenda sitemap-skrá, tengil einhvers staðar frá eða staðfestingu í Search Console.
2. Lesa hann og skrá í vísitölu. Þetta tekur yfirleitt nokkra daga upp í nokkrar vikur fyrir nýtt lén.
3. Meta hann. Google veit ekkert um nýjan vef: engin saga, engin gögn um hvort fólk finni það sem það leitar að. Þetta mat tekur vikur.

Tvennt sem þú gerir strax

1. Search Console

Skráðu vefinn í Google Search Console, staðfestu eignarhald og sendu inn sitemap-skrána. Þetta tekur fimmtán mínútur og er ekki valkvætt. Þar sérðu líka hvort einhverjar síður séu að lenda í vandræðum.

2. Fáðu fyrsta tengilinn

Vefur sem enginn tengir í er eins og hús án vegar að því. Google fyrirtækjasnið, samfélagsmiðlasíður, ja.is, samtök í þinni grein, birgjar og samstarfsaðilar. Þetta þarf ekki að vera flókið, það þarf bara að vera til.

Prófaðu rétt

Að leita að nafni fyrirtækisins segir þér lítið, því Google getur haft aðra merkingu fyrir sama orð. Skrifaðu í staðinn site:vefslóðin.is í leitarreitinn. Það sýnir nákvæmlega hvaða síður eru í vísitölunni.

Ef ekkert kemur upp þá er vefurinn ekki skráður ennþá. Ef sumt kemur upp en ekki allt þá er eitthvað að stoppa hluta síðnanna, oftast stilling í vefumsjónarkerfinu.

Raunhæf tímalína

Hvað ef ekkert gerist eftir þrjá mánuði

• Athugaðu robots.txt og noindex-merkingar. Ótrúlega oft gleymist að taka af lokun sem var sett á meðan vefurinn var í smíðum.
• Athugaðu hvort textinn sé í HTML eða hlaðist með JavaScript.
• Athugaðu hvort þú sért að keppa við orð sem enginn leitar að.
• Athugaðu hvort gamli vefurinn sé enn í loftinu og keppi við þann nýja.

Algengar spurningar