Af hverju vefurinn þinn er ósýnilegur gervigreind

Fyrirtæki sem er hvergi nefnt í gervigreindarsvörum heldur oft að vandinn sé efnið. Stundum er hann tæknilegur og einfaldari en það: vélin kemst ekki að efninu.

1. Textinn hleðst með JavaScript

Margir nútímavefir senda tóma síðu og fylla hana svo með JavaScript. Google ræður oftast við það. Flestir gervigreindarróbotar keyra ekki JavaScript og sjá því tóma síðu.

Prófið: slökktu á JavaScript í vafranum þínum og hlaðið vefinn. Það sem hverfur er ósýnilegt vélinni.

2. robots.txt lokar á þá

Farðu á vefslóð.is/robots.txt. Ef þar stendur Disallow fyrir GPTBot, ClaudeBot, PerplexityBot eða Google-Extended þá hefur einhver, oft vefumsjónarkerfið sjálft, lokað á þau.

Þetta er stundum meðvituð ákvörðun til að verja efni. En ef þú vilt að fólk finni þig í gegnum gervigreind þá ertu að loka dyrunum sem þú vilt að sé gengið inn um.

3. Hýsingin eða vörnin lokar á þá

Sumar öryggislausnir og efnisdreifikerfi loka sjálfkrafa á gervigreindarróbota, og sú stilling er oft sjálfgefin án þess að nokkur hafi valið hana. Þetta sést ekki í robots.txt, þú þarft að skoða stillingarnar hjá þjónustuaðilanum.

4. Efnið er falið

• Verðskrá sem PDF eða mynd. Vélin les hana illa eða alls ekki.
• Upplýsingar á bak við innskráningu eða eyðublað.
• Mikilvægur texti inni í myndum, til dæmis matseðlar sem eru skannaðir.
• Efni sem birtist bara þegar þú smellir á flipa sem hleður því eftir á.

Tíu mínútna prófið

1. Slökktu á JavaScript og hlaðið forsíðuna. Sést textinn?
2. Opnaðu vefslóð.is/robots.txt og leitaðu að Disallow.
3. Leitaðu að mikilvægustu verðunum þínum í Google með site: leit. Finnast þau sem texti?
4. Spurðu ChatGPT hvað fyrirtækið þitt gerir og hvað það kostar. Berðu svarið saman við raunveruleikann.

Ef eitthvað af þessu klikkar þá er það lagfæranlegt, oftast á nokkrum klukkustundum. Það er miklu ódýrara en að skrifa fleiri greinar sem enginn les.

Algengar spurningar